Ikasberri Azpeitiko Ikastolatik, 06-07 ikasturtean, DBH 2rako, berde-berdeak abian jarritako proiektu berriari baietza eman genion: GPS hargailua erabiliz gure ingurunea hobeki ezagutzen laguntzeko proiektuari.
GPS-a erabiliz egin dugun lan honetan, ikertzaile bihurtu gara eta Azpeitikoa egin den landare inbaditzaile bat ezagutu, behatu eta ikertu dugu. Landare inbaditzaile honek Poligono japoniarra izena du, (Reynoutria edo Fallopia japonica) hain zuzen ere.
Jarraian aurkezten den mapa ikusgarri batean ikus dezakezue Ikasberri Azpeitiko Ikastolako 2. DBHko ikasleek GPS-az baliatuz gure herritik eginiko ibilbidea.
Herriko ekialdeko sarreran dagoen Magdalenako ermitan hasiera eman genion ibilbideari, Urola ibai ertzean zehar Loiolaraino, 3ren bat kilometro eginez, eta interes guneak behatuz. Itzulera Urola ibaiko beste ertzetik egin genuen.
Ibilbidea deskribatzeko gaineratzen diren argazkiak, 2007ko urtarrilaren 5an aterara daude eta elurra da protagonista nagusiena.
“GPSaren erabilerak ezagutzeko bideoak” ikastaroaren eduki teorikoen bideo osagarriak dira.
Bideo hauek irakasle zein ikasleak GPSaren erabileran trebatzea dute helburu, hortaz lehenengo bideoan GPS hargailuaren funtsezko botoiak azaltzen dira.
Bigarrenean GPSaren funtzio nagusienak azaltzen dira; track eta waypointak nola egiten, gordetzen, izendatzen eta borratzen diren…
“GPSaren erabilerak ezagutzen” ikastaroa DBHko irakasle eta ikasleei zuzendurik dago. GPSaren maneiua erakusteaz gain, ikastetxeetan helburu hezigarriekin nola erabili daitekeen ere azalduko da. GPS hargailuaz baliatuz, zentroetan egiten ohi diren ekintza ezberdinak; irteerak, bisitaldiak… mapa ikusgarrietan nola erakus daitezkeen irakatsiko da, nahi diren azalpen, argazki edota bideoak gaineratuz. Ikastetxeetan eginiko lanak GPS Txoko honetan argitara emango dira.
