Hernaniko Helduen Heziketarako zentroko zenbait ikasle, Natur Zientzietako gelan, espezie inbaditzaileen gaia landu dugu eta gure herrian topa daitezkeenak ikertzera irten gara.
Zoritxarrez guk uste baino errazagoa da hauek topatzea oso hedatuak bai daude. Hemen azaltzen direnak; Reynoutria japonica eta Buddleja lekua hartzen ari dira ibai bazterretan eta bertako espezieak alboratzen.
Ikus lana merezi du eta!
Aita Larramendi Ikastolako DBHko 4.mailako ikasle talde bat gara. 2006-07 ikasturtean, biologia alorrean Andoaingo flora biodibertsitatea aztertu genuen.
Gure herriko zuhaitzak ezagutu ahal izateko gure irakaslea den Gurutz Ikutzak ibilbidea diseinatu zuen. GPSa eta argazki kamera eskuen artean hartu eta hortxe irten ginen Andoaingo flora ezagutzera.
Esan beharra dago asko ikasi dugula ikerketa lan honekin eta gure ezagutza berri hauek guztiei zabaltzea dugula helburu. Goza ezazue!!!
Mendata Institutuko 1A eta 1B gelako ikasleek, Natur Zientzietako klasean bi lantxo hauek burutu zituzten.
GPS harturik euren institututik irten eta herriko kaleetatik barrena, Kalbeton Zumardirainoko joan etorria egin zuten.
Bertako eraikuntzak eta parkeko landare ederrak ezagutzera gonbidatzen gaituzte bisitaldi birtual honen bidez.
Zarauzko Lizardi Institutuko 1.mailako, 4 geletako ikasleak eginiko lana da.
Bertan, gure herriko Vista Alegre parkean dauden hainbat zuhaitz espezie paregabe erakutsi nahi izan ditugu.
Jatorri kuriosoa duten zuhaitzak aurkitu ditugu bertan eta parke eder hau bisitatzera animatu nahi zaituztegu.
Lezo Institutuko Laborategi Tailerreko ikasleek eginiko lana.
Ikerketa Zubitxo erreka eta bere ingurunean burutu zen, eta GPS hargailuarekin Fallopia japonica espezie inbaditzaileak hartutako eremuak markatu ziren.
Baigorriko Jean Poujou Ikastetxeko eta Tolosako Hirukide-Eskolapioak Ikastetxeko, 2. DBHko ikasleek, Izpegitik Elorrietarako bidean eginiko elkarlan hau aurkezten digute.
Ibilbidean zehar, ekosistema berezia den turbategia deskribatzeaz gain, bidean topaturiko interes guneak azaltzen dituzte hiru hizkuntzatan.
Haurtzaro Ikastolako Zientzia Tailerreko ikasleek, Ibaialde programaren bitartez, Oiartzun ibaiaren azterketa burutu ohi dute.
GPSaz baliatuz, ikerketa eremua mapa ikusgarri batean plazaratuta ikus daiteke jarraian, bai eta jarduera honetako beste lanak ere.
Flickr web orrialdean argazkiak nahi den eran moldatu daitezke Picnik online zerbitzuaren bidez.
Hortaz argitara eman nahi diren argazkiak ez dira aurretik beste programen bitartez: ImageReady, Photoshop, Paint… eraldatu behar.
Flickr-en gordeta dauden argazkiei; begi gorriak kendu, kontrastea aldatu, edota bestelako moldaketak egiteko aski da, irudiaren gainean azaltzen den, lapitz ikonoaren gainean sakatzea eta “Editar” funtzioa aukeratzea.
